Get the latest news at
your fingertips!
Download our app now
LIVE TV
Search
നാനി നായകനാകുന്ന പുതിയ ചിത്രമാണ് ഹിറ്റ് 3. സിനിമ ഒരു വയലന്റ് ആക്ഷൻ ചിത്രമായിട്ടാണ് ഒരുങ്ങുന്നത്. എ സർട്ടിഫിക്കറ്റ് ആണ് സിനിമയ്ക്ക് ലഭിച്ചിരിക്കുന്നത്. ഹിറ്റ് 3’യെ ‘അനിമൽ,’ ‘കിൽ,’ അല്ലെങ്കിൽ ‘മാർക്കോ' തുടങ്ങിയ സിനിമകളുമായി താരതമ്യം ചെയ്യാനാകില്ലെന്നും ഈ സിനിമയ്ക്ക് ഒരു വ്യത്യസ്തമായ ടോൺ ഉണ്ടെന്നും നാനി പറഞ്ഞു. സിനിമ കാണുമ്പോൾ ഇതൊരു വയലൻസ് സിനിമയായി തോന്നില്ലെന്നും നാനി കൂട്ടിച്ചേർത്തു. സിനിമയുടെ പ്രമോഷനുമായി ബന്ധപ്പെട്ട അഭിമുഖത്തിലാണ് പ്രതികരണം.
'ഹിറ്റ് 3 എന്ന സിനിമ മാർക്കോ, അനിമൽ എന്നീ സിനിമകളിൽ നിന്ന് വ്യത്യസ്തമായ ഒരു വയലന്‍സ് ചിത്രമായിരിക്കും. ട്രെയിലർ കണ്ടുകഴിഞ്ഞാൽ, നിങ്ങൾക്ക് അക്രമം തോന്നിയേക്കാം, ട്രെയിലർ സിനിമയുടെ ചുരുക്കമാണ്.ബാക്ക് ടു ബാക്ക് ഷോട്ടുകളിലൂടെ ആളുകളെ സിനിമ കാണാൻ പ്രേരിപ്പിക്കുന്നതാണ്. ഇതൊരു ഇൻവെസ്റ്റിഗേറ്റീവ് ത്രില്ലർ ചിത്രമാണ്.
"#HIT3 will be a different Violent film than #Marco & #Animal🔞. After watching the Trailer, you might feel violence, but when you watch the film it's an investigative thriller film🔥. When violence happen, audience will also be routing for it🔪🩸"
— AmuthaBharathi (@CinemaWithAB) April 24, 2025
- #Nanipic.twitter.com/9i6xZNrHws
ഓരോ നിമിഷവും അടുത്തതെന്ത് സംഭവിക്കുമെന്ന ആകാംക്ഷ നിങ്ങൾക്ക് ഉണ്ടാകും. സ്‌ക്രീനിൽ വയലൻസ് കാണുമ്പോൾ നിങ്ങൾക്ക് ഒരുതരത്തിലും ഇത്രയും വേണോ എന്ന് തോന്നില്ല കാരണം ആ സിനിമ ആവശ്യപ്പെടുന്ന വയലൻസ് മാത്രമേ ചിത്രത്തിലുള്ളൂ. അനിമൽ ഞാൻ കണ്ടിട്ടുണ്ട് മറ്റു ചിത്രങ്ങൾ ഞാൻ ഇതുവരെ കണ്ടിട്ടില്ല. ഈ സിനിമ മറ്റൊരു രീതിയിലാണ് എടുത്തിരിക്കുന്നത്,' നാനി പറഞ്ഞു.
#HIT3 will be different violent film from #Animal and #Marco 🥵💥 It is an investigation thriller🔥 There is also a surprise cameo. Watch it in theatres.
— Parthaaaa (@Parthaaaa6969) April 24, 2025
- #Nani in a recent interview #HIT3FromMay1st | #Hit3Movie pic.twitter.com/ER6wi1WeJH
അതേസമയം നാനിയുടെ ഹിറ്റ് 3 മെയ് ഒന്നിനാണ് ആഗോളതലത്തിൽ തിയേറ്ററുകളിലെത്തുന്നത്. ഡോ. ശൈലേഷ് കോലാനു സംവിധാനം ചെയ്യുന്ന ഈ ചിത്രം നിര്‍മിക്കുന്നത് വാള്‍ പോസ്റ്റര്‍ സിനിമയുടെ ബാനറില്‍ പ്രശാന്തി തിപിര്‍നേനിക്കൊപ്പം നാനിയുടെ യുനാനിമസ് പ്രൊഡക്ഷന്‍സും ചേര്‍ന്നാണ്. സിനിമയ്ക്ക് എ സർട്ടിഫിക്കറ്റാണ് ലഭിച്ചിരിക്കുന്നത്. ഗംഭീരമായ സാങ്കേതിക സംഘത്തിന്റെ പിന്തുണയോടെ ഒരു വമ്പന്‍ സിനിമാ അനുഭവം നല്‍കാനുള്ള ഒരുക്കത്തിലാണ് അണിയറ പ്രവര്‍ത്തകര്‍.
Content Highlights: Nani says Hit 3 is different from Marco, Animal, Kill filims
